Kalenderhervorming en 'n skeppingsordinansie

Abstract

By die afbrekende magte wat die bestaan van godsdienstige instellingeen historiese tradisies ondermyn, is nou nog ’n verdere ontbindende element gevoeg, naamlik die voorgestelde Kalender-Hervorming. ’n Wêreldwye en magtige organisasie, Wêreld-Kalender-Vereniging, is al gedurende die afgelope tientalle jare besig om te werk vir die aanname van die nuwe Wêreldkalender deur van handels-, regerings- en ander liggame en vir dieafskaffing van die godsdienstige en historiese Joodse Sabbat, die ChristelikeSondag en die Mohammedaanse Vrydag.