Die noodsaaklikheid van lees en die bevordering daarvan by ons leerlinge

Abstract

Dit mag vir u vreemd voorkom dat die noodsaaklikheid van lees op hierdie stadium van die onderwysontwikkeling — as daar van ontwikkeling sprake is — in ons land in oënskou geneem moet word. Ons neem vanselfsprekend aan dat alle onderwysers weet dat dit noodsaaklik is. Ons neem ook aan dat dit in alle onderwysstelsels beklemtoon word. As dit die geval is, weet elke onderwyser mos hoe om die boek te hanteer en hoe om die noodsaaklikheid daarvan in die klaskamer tuis te bring, en daarby hoe om lees te bevorder.