Geografie en sy verhouding tot beplanning

Abstract

As die geografie hom besig hou met die studie van die aarde as woonplek van die mens, soos die meeste geograwe waarskynlik aanvaar, is dit logies dat die klem in die vak van tyd tot tyd sal verskuif namate die mens se tegnologiese vordering enersyds verandering aanbring in die onderlinge verhoudings van die samestellende dele van die menslike omgewing, en andersyds in die steeds veranderende wyse waarop die mens die aarde bewoon.