H.J J. Bingle se plek in die S.A. opvoedkundige panorama

Abstract

Hierdie plasing is net so maklik as wat dit moeilik is. Om ’n een-spoormens te waardeer is nie besonder moeilik nie; om so ’n veelsydig-begaafde te plaas, kan maklik uitloop op versplintering, op miskenning van die eenheidsbeginsel wat soos ’n goue draad deur elke afdeling loop, op miskenning van die mens (hele mens) wat agter dié fasette skuil. Op die gevaar af dat ons juis in die opsig die bal mag misslaan, wil ons tog hier van fasette gebruik maak. Dis prakties onmoontlik om die terreine waterdig af te sluit, en ons gaan dit ook nie probeer nie.